影片
更多
2024-06-03
45 浏览
血拼完，又系时候揾地方开餐，肚饿指数属于中高等，双脚不由自主地行咗黎呢度。凉伴小食有秘制拍青瓜 ($46)，加有少少辣椒增加刺激，青瓜厚切，食起黎爽脆度十足。食浓味食物，叫杯冻柠乐 ($26)爽下先。今次呢碟清炒莴荀丝 ($66)无咁油令令，紧加食到佢嘅清甜味，空口食都无问题。联想唔到蕃茄牛肉炒蛋 ($78)跟川菜有咩关系，唔系普通家庭𩠌黎咋咩? 唔通有川菜版?! 上枱后就知外观系无分别…酸酸甜甜汁，炒蛋唔老，加埋牛肉片，超级好送饭，系经典蕃茄炒蛋嘅味道。叫咗个招牌香锅，有香辣/麻辣，唔辣有酱香，自选五𩠌材料起，超多选择，海鲜有(虾/花甲)，肉类(羊/牛/猪颈肉/内脏)至蔬菜类都有，价钱由廿几至五十几不等。今晚自选牛舌，牛肚，猪皮，花菜及牛肉片，加埋大葱一齐快炒，超大锅。酱香汁唔辣但味道偏少甜，食起黎都觉惹味。牛肉片几软滑兼食唔到梳打粉味; 猪皮就欢喜佢可以索酱汁; 牛舌及牛肚亦挂满酱汁味道，正!只有食川菜嘅地方先有红糖糍粑 ($58)食，即叫即整。外脆内有糯米嘅烟韧感，本身无咩味，所以就要点红糖浆一齐食，香甜又脆软，两啖一条真满足。呢餐超级饱住个肚去埋单
凉伴小食有秘制拍青瓜 ($46)，加有少少辣椒增加刺激，青瓜厚切，食起黎爽脆度十足。
食浓味食物，叫杯冻柠乐 ($26)爽下先。
今次呢碟清炒莴荀丝 ($66)无咁油令令，紧加食到佢嘅清甜味，空口食都无问题。
联想唔到蕃茄牛肉炒蛋 ($78)跟川菜有咩关系，唔系普通家庭𩠌黎咋咩? 唔通有川菜版?! 上枱后就知外观系无分别…
酸酸甜甜汁，炒蛋唔老，加埋牛肉片，超级好送饭，系经典蕃茄炒蛋嘅味道。
叫咗个招牌香锅，有香辣/麻辣，唔辣有酱香，自选五𩠌材料起，超多选择，海鲜有(虾/花甲)，肉类(羊/牛/猪颈肉/内脏)至蔬菜类都有，价钱由廿几至五十几不等。
今晚自选牛舌，牛肚，猪皮，花菜及牛肉片，加埋大葱一齐快炒，超大锅。酱香汁唔辣但味道偏少甜，食起黎都觉惹味。牛肉片几软滑兼食唔到梳打粉味; 猪皮就欢喜佢可以索酱汁; 牛舌及牛肚亦挂满酱汁味道，正!
只有食川菜嘅地方先有红糖糍粑 ($58)食，即叫即整。
外脆内有糯米嘅烟韧感，本身无咩味，所以就要点红糖浆一齐食，香甜又脆软，两啖一条真满足。
呢餐超级饱住个肚去埋单
张贴
