上海榮華川菜館

营业中

休息中

记得以前嚟过一次，门庭若市，今次嚟唔洗等之余入面都冇乜客，希望老店仲挨得住时代洗礼。二人餐已经要$180左右，其实唔平，不过实在系好食，畀钱都畀得抵。宫保鸡丁沪式炒法，唔会辣，但系有道呛喺度，冇返咁上下年资都炒唔到咁。唔似坊间咁鸡丁=鸡粒碎，鸡肉大旧得嚟肉质唔硬易入口，配料有青椒红椒、火腿、腰果，每款配料都炒得好香。溜肥肠貌似新菜式。肥肠略嫌小家，切到一片片，份量亦唔多，而致洋葱当道，喧宾夺主。不过肥肠切开咗感觉洗得亁净啲，而且好入味，加埋汁捞饭食相当正。酸辣汤两人share每人至少有三四碗，依旧上海style，酸多于辣。小笼包原本6粒，facebook check in送多两粒。抵系几抵，可惜味道差少少，肉汁同馅都一般般。八宝茶喺香港净系见过呢间有，typical八宝茶，有冰糖可以另加会更加正。