蕃滿門

营业中

休息中

今日好热，成三十几度，系大埔做完野，揾地方坐低食野凉下冷气。见呢间有下午茶，又有汤粉面选择，所以就入左去试下。侍应招呼正常，有效率，亦有礼。QR code自助点餐，个系统正常易用。叫左个下午茶-自选两𩠌蕃茄汤面配炒滑蛋，跟餐冻无糖绿茶(加$3)。滑蛋好食，够滑，虽然蛋唔算好香，但起码唔会有好多餐厅都出现既蛋腥味。芝士肠，汉堡扒同面都正常。想赞下个蕃茄汤，有蕃茄味，但唔会死酸，亦无蕃茄的草青味，明显是用炒过的蕃茄去煮个汤。无味精，饮左都唔会觉得口渴。价钱同对面街的太X差不多，但我觉得好食过佢，亦多选择过佢，所以个人觉得起码抵食过太X，有机会再来大埔做野既会再帮衬。