青森料理 (已搬遷) 新店位置

见到専题介绍，好想试下个软壳蟹粥。上个月终于有机会一试。夜晚九点，九成座满，唔驶等位就有得入。在屯门的日本料理之中，座位算是几阔落。而且楼底比较高，感觉唔错。先黎左个三文鱼寿司，卖相几靓，但三文鱼不算好新鲜，不过以呢个价钱，算是十分抵食。跟住到软壳蟹粥，软壳蟹好香好脆，配埋大量蟹籽的粥底，好味呀!最后追加一份火龙卷，哗，原来咁大份(对于两个人黎讲)。面头劲劲多蟹籽，里面的炸虾即叫即炸，好香口，可惜d饭比较湿，扣左少少分。侍应好有礼貌，又落力，不时加水同收碟。呢度唔收加一，两位食到饱饱，都唔驶一百蚊，好抵。迟d一定再帮衬!小店加油!