Black As Chocolate (已結業)

朋友生日，人少少唔想买咁大个蛋糕…见喺铜锣湾开左无几耐的black as chocolate有mini cake,啱晒我地！买左2个口味share食-原味同香蕉味。个蛋糕的的骰骰，1-2人食刚刚好（朱古力怪另计）。蛋糕无乜decoration，走型格路线。连个蛋糕盒都型过人，简约得黎几靓。送的叉系魔鬼叉形，cute!二个蛋糕的structure系一样的，除左中间有层馅料不同。又最顶开始：coating系软身的朱古力—》朱古力蛋糕—》馅（朱古力／香蕉蓉）—》朱古力蛋糕。整体的口感系比较湿润，朱古力味好浓，最重要系唔算太甜～good!!原味的朱古力馅带点轻微的苦味的after taste。不会死甜，食落冇咁腻。焦糖香蕉味的香蕉蓉打得好滑，香蕉味同朱古力味好夹，唔会抢左各自的风头。coating除左朱古力重有一圈焦糖。但焦糖味唔突出。我个人比较钟意香蕉味，因为味觉层次多d，有d果味中和下d朱古力味。个蛋糕比我预期中好味！下次有朱古力怪朋友生日可以再encore!