小方糖甜品 (廣華街)

营业中

休息中

记得上两个月黎左呢个铺位既糖水铺食甜品，完全系中哂伏架！点知最近黎到朋友又话要食呢间，唯有陪佢食啦，点知啲野食好左咁多，先知原来换左做小方糖啰哈哈一睇过menu，都好惊喜啊，好多种类都有，例如系芋圆啦，中式糖水都几多，西式甜品都有拿破纶果啲，仲有好多睇完个名唔知系咩黎既得意甜品ＸＤ对于我呢啲贪心既食货，系完全选择困难症要发作既时间！最后就拣左最大路既心太软同埋香蕉船试下佢个品质先～呢个心太软大概等左１５分钟左右就黎到，都唔算耐，一上枱已经即刻要相机食先啦！咁得意既公仔，我都唔舍得食啦系咪完全岩哂中意影野食既港女呀！讲返个份量先，心太软都系平时size，＄４Ｘ但配两球雪糕都算系抵喇！仲要唧埋朱古力酱，比起好多地方都扺～好，讲咁多即刻试试佢，一切开，无咩话流心既效果，只有少少入面未熟既感觉，应该焗多左１－２分钟喇，而我觉得心太软最紧要出面脆入面流心，今次就唔多做到喇，但心太软本身既朱古力味系浓厚既～所以都拉返啲分啦！香蕉船呢啲咁典型既甜品就相对无咩咁特别啦，满足到我呢啲雪糕怪既欲望既哈哈！见到隔离枱叫拿破纶好大份咁，下次真系要试下佢～虽然心太软未过到我果关，但选择都好多，会再黎试佢其他野！