叉燒大王

营业中

休息中

星期五嚟到沙田叉烧大王食晚餐，七点呢个晚饭时间好多人，好好彩我哋可以坐到二人桌。先来一壶铁观音。我地点左以下嘅𩠌菜：食碟例牌叉烧先，未入间店之前已经闻到好香嘅烧味味道，话晒个名都叫叉烧大王，我哋第一次嚟到就试吓佢嘅叉烧先啦！半肥瘦叉烧好入味，外层有Lim口嘅蜜味，配合埋豉油，送饭一流！店员介绍最近通菜好味，我哋就点左依个山啫通菜。内有啲猪油渣，加埋虾酱，上枱嘅时候因为个煲仔热，里面啲汁仲喺度bobobo咁滚紧，非常之香！最后我哋叫咗依个蒸豆腐，豆腐好滑，加埋上边有少少嘅咸蛋黄拼虾胶，连埋葱花，上边再”赞”少少滚油豉油，清得来都几香几鲜。我哋两个人食呢三个𩠌菜再加一碗饭share，非常满足！ 店舖分为堂食区同埋外卖区，我哋都差唔多八点嘅时候走都见到外卖个边都仲有好多人等紧买野。母亲节都可以考虑嚟呢度食饭，𩠌菜都啱长辈食。我见菜牌仲有其他款式嘅海鲜，下次试一试先。