天丼

营业中

休息中

开咗一段时间，嚟嚫都见到排紧队，今日lunch早咗少少嚟到商场，见无咩人排队，我哋几个一致赞成喺度食晏。座位比较密，都系好似日式快餐店咁，种类唔多选择，都系天妇罗嘅饭或粉面为主，食物质素唔错，其实近年好少食炸嘢，不过呢间嘅天妇罗唔会感觉劲热气，炸浆做得几好，唔系硬脆唔会㓤口，可以一试。八爪鱼天妇罗，店员推荐，唔韧都几大条，不过脆嘅外皮同外离咗，唔似食紧天妇罗。鳗鱼盛合丼，无咩特别。巨星天丼，天妇罗有七款，里面嘅帆立贝都几大只。天妇罗乌冬(豚骨白汤)，有五款天妇罗，乌冬都好滑。和麻糬，无烟韧口感，系一咬就会断开，有少少似牛奶布甸。所有饮品+$9。