Trattoria Kagawa by Mihara (已結業)

今次去咗呢间食意日fusion嘅餐厅，之前未试过类似嘅嘢。觉得应该几特别，偶然嘅机会就嚟试吓。餐厅环境好好，地方唔系好大，但枱同枱之间唔会太逼，座得都好舒服。虽然系外藉服务生，但服务态度非常之好。会主动帮你斟水同讲解套餐食物。今次就叫咗个lunch set。前菜有沙律、面包同汤。叫咗个cream sauce pasta同埋Wagyu Beef Cheek Cheese Omelette with Red Wine Sauce。意粉份量唔算多，但都ok。而份牛肉奄列就真系好大份，食到好饱。牛肉整到好淋，非常易入口，亦都非常之入味。奄列据了解系用咗日本蛋嚟整，好重蛋香味，奄列本身亦都整到好滑好嫩。整体嚟讲系一间几唔错嘅意日fusion餐厅，价钱以地理位置嚟讲合理。如果未食过类似嘅餐厅都推荐嚟呢度试下。