麵屋黑岩

营业中

休息中

近来每逢一个人就好想食拉面，见深水埗有几间多人赞，咁啱住喺附近，于是开始得闲就试吓之旅，呢间黑岩系第一间！由于我11点几就到，系全店第一个客人，所以环境一定唔会差，起码冇人迫迫吓。呢间店装修系一般嘅拉面open kitchen, 冇乜特别。点咗最basic嘅原味汤底加蛋。首先面未到，我抹筷子时发觉对筷子好污糟，真系有点意外，我去大排档都未见过咁污糟，我怀疑系咪甩色😅面来了，有点细碗，但味道唔错，不过未至于其他食评赞得咁劲，下次要返嚟试埋虾子拉面再评分。总括嚟讲，面同叉烧及蛋都合格有余，只系唔啱我本人喜好，因为我较喜欢酱油味嘅拉面汤底，佢系较浓嘅猪骨底。最后一提系啲店员个个都有礼貌，估唔到后生仔都咁好礼貌，唔系间间舖头都可以遇到。