臨記車仔麵 (已結業)

食车仔面我都会拣呢间， 佢有好多唔同嘅分店， 今日去黄大仙试下佢其中一间， 全部𩠌菜都非常入味！我最欣赏蚝油小花菇，回味猪大肠， 招牌腩肉，秘制牛孖根同埋瑞士花香鸡翼尖，唔同嘅𩠌菜都好受街坊欢迎。鸡翼尖好易咬开，萝卜又好淋，唐生菜份量够多，招牌腩肉肥瘦均匀， 纹理清晰分明。有张纸可以自己剔自己拣野食，我就拣左呢度嘅精选配搭化骨龙， 再加上佢嘅特选配菜，粉面可以自由选择，有米线，米粉，粗面，河粉，油面，另外乌冬要加$3.我就试左佢个乌冬同清汤底，加埋咖哩汤真系好浓好正，一流，仲有佢的特色辣酱，全部自家制，真系必食！野饮方面呢度仲有原味豆浆同埋黑芝麻豆浆， 建议大家可以试下黑芝麻豆浆， 都好滑，饮完都皮肤同头发都好好。