萬記粥品

营业中

休息中

大埔中心附近终于有一间食得过嘅粥店，因为好多年呢一区都系得两间粥店，另外仲有一间茶餐厅有粥食(几年前停卖粥因为请唔到师傅)，不过佢哋啲粥品都系麻麻哋，行远少少仲有两间以肠粉为主打嘅粥品店，系同一个集团嘅连锁店，不过一来行得远，二来佢哋嘅质素都系高呢几间少少，所以已经好耐冇喺屋企附近食粥。不过呢间新开一段时间嘅粥品店质素唔错，当然比起外面好食嘅都仲有一啲距离，不过喺区内嚟讲算系唔错，而且佢个价钱比较合理，一碗鱼片粥都系$24 ，另外𠮶两间一间$26一间$30 ，大家可以比较吓。今日叫咗鱼片粥、皮蛋瘦肉粥、豉油王炒面同埋葱花斋肠，各样嘅水准都OK，有时会觉得其实一碗粥系唔系咁难，原来越简单嘅嘢往往就系越困难。