萬記粥品

營業中

休息中

晚餐叫了叉燒腸粉，外賣回家後約15分鐘才吃，也夠熱，幾滑，幾好味，而且是又是另上，幾好。皮蛋瘦肉粥，沒有太多料，幾條肉柳絲，粥底也稍稀及咸。蔥花蝦米腸粉，本人略嫌太多蔥，蔥味道蓋過腸粉的味道（個人喜好問題）。落單及收銀姐姐態度認真麻麻，應該用差來形容。站在收銀處前等她處理完手頭上工作才落單，她完成後，可以無視客人，走咗去隔了1分鐘多再返來落單，全程黑口黑面，而家仲有咁嘅服務態度，比個「like」。

星期六晏晝時間去呢間舖頭買咗一碗粥一個牛脷酥同埋。味道冇問題，但係服務態度10分惡劣。我買外賣嗰陣已經講咗話要展剪啲牛脷酥同埋煎堆，可能個阿姐聽唔到或者唔記得，直接將牛脷酥同埋煎堆擺入膠袋，我就即刻同佢講話唔該 要剪開。個阿姐同我講，話：而家咁多人邊有時間同你剪呀，我哋堂食都好忙啦，本身啲外賣都唔想接㗎啦。 我冇出聲望一望佢，佢話：你要剪嘅話就等一陣啦。等咗唔知幾耐之後，個阿姐終於出嚟，繼續講：我哋真係好忙㗎，啲外賣客都唔係個個剪，之後就幫我喺膠袋拎咗兩舊嘢出嚟試，是但剪咗一嘢就俾返我。試問有邊個可以自己剪到嘅會唔剪？ 堂食嘅就可以剪埋外賣嘅就唔可？ 外賣餐具都係得個匙羹喺公司點樣食？ 堂食係客，外賣就唔係客？ 服務態度真係好有問題，我已經唔介意要等佢忙完 之後先幫我剪，但係換來嘅竟然係咁嘅態度同埋做法實在令人憤怒！！

午餐時間入座，毋須等位，等咗三四分鐘侍應姐姐只叫等陣，但係又唔記得邊個客入先，我繼續等，終於等到知我存在，悔悔氣氣問我食乜，由於唔想再周圍走就叫咗碗瘦肉粥，阿姐喝我講大聲D，費事同佢勞氣，算數！食物尚可，態度欠佳，有得揀唔使再光顧。

萬記粥店開業一段時間，主打各式各樣嘅粥品。嚟呢度一定要點生滾靚粥，豬潤鯪魚球雙拼粥即叫即做，豬膶生熟程度啱啱好，有啲爽口唔會過鞋過老。粥底綿滑帶少少甜味。及第粥同樣出色，一碗有齊唔同嘅豬嘅部位。豬嘅內臟清洗乾淨無異味。另外點了蝦腸，腸粉嘅皮有米香十分滑，蝦粒大粒爽口。豉油王炒麵發揮正常，但份量偏大， 十分抵食。另外，呢間餐廳有埋其他地方少見嘅懷舊小食白糖糕同埋黃糖糕。之前食過味道清甜，白糖糕沒有酸味，十分難得。可惜今次夜晚去已經賣晒，如果唔係一定會嗌。

中國人早餐食碗粥是常識，兩個人一人一碗粥一個腸粉再加個油器就係一個滿足嘅早餐。魚片粥多青多薑，魚片很新鮮，粥底屬於豐厚型。窩蛋碎牛粥的牛肉亦算新鮮。呢碟齋腸最有驚喜，因為真係好滑，甜醬麻將自己落，好好食。煎堆竟然唔會油淋淋，軟硬適中加上芝麻夠香，雖然唔係熱辣辣但係味道都唔錯。最後值得一讚嘅係佢哋嘅服務，雖然已經有三位姐姐但係爆場時都忙到甩轆，不過佢哋仍然好有禮貌，又唔會的客人食食吓要坐埋一面俾其他人搭枱，嗰日我見門口都有人排隊，所以嗱嗱臨食完就走，唔好阻人做生意。

開店時食過一次足料唔錯～今晚心血來潮，粥店又未收外賣碗艇仔粥及豬潤腸滿心期待一試，超級失水準個粥足料，但好水都唔知食緊乜，豬膶腸仲離譜皮厚豬潤大大粒完全唔掂檔，求其做不知所謂

炸兩d皮痴到實，油炸鬼都出嗮油，好明顯做好擺咗好耐，皮蛋瘦肉粥有魚鱗真系好唔理解，艇仔粥嘅豬皮仲要系臭嘅，同店員講唔肯換態度其差。外賣食咗好多次都冇嘢，偏偏堂食出咁大件事，都唔明點解要趕客走

大埔中心附近終於有一間食得過嘅粥店，因為好多年呢一區都係得兩間粥店，另外仲有一間茶餐廳有粥食(幾年前停賣粥因為請唔到師傅)，不過佢哋啲粥品都係麻麻哋，行遠少少仲有兩間以腸粉為主打嘅粥品店，係同一個集團嘅連鎖店，不過一來行得遠，二來佢哋嘅質素都係高呢幾間少少，所以已經好耐冇喺屋企附近食粥。不過呢間新開一段時間嘅粥品店質素唔錯，當然比起外面好食嘅都仲有一啲距離，不過喺區內嚟講算係唔錯，而且佢個價錢比較合理，一碗魚片粥都係$24 ，另外嗰兩間一間$26一間$30 ，大家可以比較吓。今日叫咗魚片粥、皮蛋瘦肉粥、豉油王炒麵同埋蔥花齋腸，各樣嘅水準都OK，有時會覺得其實一碗粥係唔係咁難，原來越簡單嘅嘢往往就係越困難。

粥鋪而家買少見少，新開張已經吸引大批人排隊去食，因為位置好方便之餘，價錢都算平民。門面都乾乾淨淨，好企理。❤️粉腸豬紅粥$36粥底好足料，唔會水汪汪，味道剛好，唔會偏淡偏咸👍🏻全部都好入味，粉腸唔會有內臟味，因為有用調味料腌，所以好夠味👍🏻豬紅都係有腌，所以味道唔會淡荗荗🤤❤️牛利蘇$10外皮好酥脆，就算唔係熱辣辣食都仍然好脆，而且食落唔會覺得硬掘掘👍🏻😋之前都有試過佢其他嘅油器-煎埋，都做得好好，起碼唔會油淋淋。呢個價錢，大大件好抵食👍🏻

間唔中都幾鍾意食粥～見門面好新，於是試下。。選擇都多～但整體味道覺得一般～.冬菇雞粥好味度：⭐️⭐️個粥底完全煲到無米，好似糊狀咁，雖然覺得綿綿粥好味，但唔係綿到糊狀咁🥺🥺而d 雞又無味。。😵‍💫.煎堆咁arm 撞正新炸起。。好味！！👍🏻👍🏻.蝦米腸好味度：⭐️⭐️⭐️.朋友叫的豬潤粥。。好味度：⭐️⭐️⭐️雖然都係"粥糊"..不過味度比我果碗好😂😂.油炸鬼都還好。。唔會擺到太硬😂😂

及弟粥好足料，粥底好滑同甜，加錢要埋半隻皮蛋，豬潤腸粉好食，有粵式拉腸嘅口感! 上次食過魚腩粥都好正，不過要早啲食先有，性價比超高! 希望質素同價錢 keep到! 會再幫襯

門口已經見到好多人問有無牛脷酥同煎堆，無嘅話就食油炸鬼照殺！睇嚟鍾意食粥嘅人都唔少喎👀🙌🏻！兵仔我都好鐘意食粥，又係新開嘅粥店，於是就決定入去一試究竟！🔥食嘅時候雖然係下晝4點，但係都座無虛席🤙🏻💃🏻。💂🏼《艇仔粥加鹹蛋》 $24+$5=$29落咗單冇幾耐就有粥食💗！大大碗不特止，入面份量非常足料！碎牛比得好多🐂，魷魚同豬皮都一樣比得無手軟🦑🐖，成個粥都好夠味道，而且都煮得幾綿，另外加咗隻鹹蛋成碗粥就更加鹹香十足！不過就食到少少蛋殼🥚。評分：85/100💂🏼《蝦米炸兩腸粉》$20炸兩腸粉大大份，而且有啲蝦米喺度就更加香口🦐。腸粉嘅皮厚度適中，不過兵仔就鍾意食偏薄嘅皮～😆入面嘅油炸鬼非常香脆，記得趁熱食啊！擺耐咗就會開始變得軟身。評分：85/100💂🏼《豉油皇炒麵》$14豉油皇炒麵配個粥食真係一流！就咁食嘅話就可能有啲乾喇。不過粥店入邊都有提供好多醬料，辣醬麻醬都有😻！同埋呢個價錢呢個份量，抵食！評分：70/100總結：粥品同小食都係大件夾抵食，而且味道又夠，唔使驚話食粥就會淡茂茂😝！建議兩個人嘅話，一人一碗粥加一份小食，或者兩個人share一碗粥，然後叫兩個小食，如果唔係有機會食唔晒㗎

粥綿綿的不是水水的，很足料，皮蛋瘦肉粥也不過是$24，腸粉抄麵大大蝶，每碟都是十多元，價錢便宜抵食。油炸鬼很重手，別家的油炸鬼內裹都是空氣。環境清潔，服務員是阿姨級都很熱情。這樣的價錢，很擔心他們如何營運

員工黑面,不知所謂,因為員工嘅態度想食都變唔想食,唔想做生意就連門都唔好開啦,呢個世界真係乜人都有,真心唔知黑解甘多人會讚間鋪好,仲以為有幾掂點知俾錢貼難受,睇到乜員工就知有乜老闆,真心勸喻千祈唔好去幫襯呢啲甘嘅垃圾舖頭

我一年四季都好中意食粥，一直苦悶大埔沒有好食的粥店，直到這粥店開店，我終於夢想成真了。佢開設在大埔中心最繁忙地點附近，新開時間撞正第五波疫情，不過嘗過其粥品，確實不愧有這般膽量。這是第二次光顧了，質素依舊與第一次相若，十分滿意。粥底濃稠、棉滑，配料亦豐富，今次點了碎牛皮蛋粥，碎牛份量十足，皮蛋蛋黃呈芥茉黃，濃香黏口，食得出非普通貨，滿足。食完不口渴，不加味精的粥店，難得。門口旁看到油器師傅招聘廣告，心想新鮮自製油器，加分。可惜今日肚皮有限，下次再訪，一試腸粉油器質素。