Casamigos

营业中

休息中

呢间西班牙都有啲惊喜！少食西班牙菜嘅我，都几钟意佢地嘅西班牙海鲜饭！海鲜好多而且好新鲜，饭有口感仲有西班牙辣肉肠，都几好食！北海道带子刺身配日式麻油柚子醋整体黎讲好refreshing，几好嘅开胃菜。Beef Tartar嘅牛肉几浓味！橄榄油大蒜虎虾都几值得叫，虎虾爽口而且啲虾膏融入晒落个汁度，点埋啲包食真系一流！香煎鹅肝多士配甜酸青瓜柚子莎莎一啲都唔油腻，满满嘅香味令人满足。西班牙薯仔蛋饼做到好软滑，唔会话成实咁，好足料！川式麻辣忌廉鲜蚬手工宽条面都几特别，麻辣忌廉汁挂晒落宽条面，加埋蚬嘅鲜味，钟意食辣嘅朋友，千祈唔好错过！