漢龍雞煲烤魚

营业中

休息中

天气又冻返梗系想打边炉啦，喺OpenRice见到呢间鸡煲嘅椰子鸡好似好正所以就嚟帮衬，过返个暖笠笠嘅圣诞。先上汤底，然后将个新鲜椰青倒落个汤底度，鸡系另外上嘅，个汤底滚起就落鸡。冚盖滚5分钟左右就可以食得。先饮椰子鸡汤后食鸡，个椰子鸡汤都几清润。食完鸡之后就加汤打边炉，叫咗韭菜饺、鲜淮山同埋萝卜片，韭菜饺非常好食，啲韭菜好新鲜，鲜淮山同埋萝卜片都白雪雪，另外仲叫咗芋头片。佢呢度有只少啲见嘅只德国麦啤几好饮。