House of Joy Oyster Bar and Restaurant

营业中

休息中

周末难得得闲，就带阿爸阿妈去美孚饶宗颐文化馆𠮶边食晚餐，朋友话呢度有间高质素嘅餐厅，就想带阿爸阿妈嚟试一试。呢度嘅食物非常多选择，有法国菜，西班牙菜，美国菜都有，种类繁多，一时之间真系难以抉择。最后我哋叫咗烤焗西班牙伊比利亚羊扒配自家制羊肉肠，红菜头蓉，罗勒莎莎，慢煮美国牛小排配蕃茄汁意大利面，鞑靼牛肉配和牛牛骨髓，多士同埋烤阿根庭红虾牛油果沙律配热情果油醋汁，四款食物一齐食。 红虾牛油果沙律当作开胃菜都几唔错。牛油果嘅果香味同热情果油醋汁提升咗红虾嘅味道，红虾食起嚟软滑细嫩，完美打开我哋嘅食欲。 羊扒嘅卖相非常精致，摆盘太靓喇，都唔舍得食。唔止卖相好睇，肉质特别细嫩，肥瘦均匀，食落非常好食。 意大利面嘅份量都唔少，蕃茄汁浓郁嘅酸甜味同意大利面完美结合，面条好滑顺。重点系意大利面上面𠮶个美国牛小排，肉质柔软甘甜，有啲外焦内嫩嘅口感，正。 鞑靼牛肉口感滑嫩湿润，整体风味清爽微酸。和牛牛骨髓一口咬落去非常绵软，而且冇任何异味，同多士一齐食系真系好好味。