金滿庭京川滬菜館 (荷里活廣場)

营业中

休息中

是日同屋企人去荷里活广场行街，顺便食饭，一向都钟意食京川沪菜既佢地就提议黎呢到试下啦。担担面: 担担面落左好多肉碎同花生碎，汤底浓厚，因为屋企人唔想食太辣，所以叫左小辣，讲真食落真系一D都唔辣。面质方面都几烟韧，都算几大碗，三个人分每人都分到有一碗半。生煎包: 包面微脆香口，内里既汤汁唔少，而且味道鲜浓，肉既口感都好嫩软，咸淡道刚刚好。砂窝云吞鸡1/4只: 半身想叫半只架，但系店员好好人咁同我地讲半只分量太多，1/4 只已经可以啦。鸡汤惹味清甜，睇得出好够火候，非常入味，最值得赞系鸡肉煮完后都仲好嫩滑。云吞方面都好大粒，云吞皮好滑，混埋汤一齐来吃味道确实唔错。家常豆腐: 豆腐外脆，内里香滑，酱汁都好好味，同豆腐拌埋一齐都好夹。