拉麵台風 (已搬遷) 新店位置

每次路过呢间野都有人排队，有时仲好长龙。好彩只排左15分钟就入倒去。排紧果时有人拎水出黎比排队既人，唔错，几贴心。我有个backpack，店员就比左个挂台既勾比我吊住个袋，几好。第一次试呢间野，所以我会选所有野都系普通先。叫左个伊台风，88蚊，其实即系茄底。个面黎到既第一个感觉系比平时果d大碗。卖相唔错，唔驶加钱有半只温泉蛋，睇落几正，不过黎果时唔见d面以为好少，食落先知唔系。正题，个面黎到唔出烟既，冇错，个汤系暖既，唔够热，不过一拉个面出黎就有烟，个面好够热。叉烧好念，脂肪比例ok，唔算肥，有菜有荀有鱼松有紫菜有蛋，好齐全。个面都算多，比一般日式拉面店既多。我叫左普通，个面偏硬身，但可以接受，有咬口。个汤唔够热外，浓既，唔算稀，个味都好够茄味，不过由于本身成碗野都浓同好多配料，个茄味唔算好出，要特登去饮先试倒个味。呢个价钱食倒咁多料既日式拉面，抵食既。可以话似日本食倒既拉面，唔错，值得再食。