噹噹冰室

营业中

休息中

舖头位置唔算多，撞正附近学校午饭时间就唔洗谂有得坐。舖头食饭选择唔多 ，但贵精不贵多，叫左海南鸡饭配油饭同冻咖啡。 海南鸡饭上面有沙律菜同姜葱油，老板娘仲会问要唔要配埋甜酱油，非常贴心！沙律菜上面有落少少芝麻酱，酸甜开胃几啖就食晒；海南鸡略嫌有少少肥，不停口咬走肥膏都有啲攰，配上姜葱油同甜豉油食落好惹味，一啖鸡一啖油饭好快就食晒；咖啡饮得出系用某大牌咖啡粉冲出黎，所以冇乜惊喜。 整体环境舒服，系会翻桌既街坊饭堂，老板娘得闲仲会同你倾偈，人情味十足。