Catio

营业中

休息中

系铜锣湾行行下街饿想揾野食，咁岩见到间大厦有猫café广告，咪即管入去试下啰。Café有入场费第一个钟78元，包一杯饮品，嗌野食第二个钟免入场费，又可以和猫玩下，价钱都OK啦。 间餐厅感觉好干净，进门都要著鞋套或者除鞋，有其他枱D小朋友玩到瞓哂地。放眼望去有十几只猫，睇见佢地活跃周围跑真系人都开心哂。 点了一客鸡翼薯条加冻柠茶，呢度居然仲有...鸡蛋仔！如果可以有多几款cake就更加好喇﹗不过个鸡蛋仔都整得唔错，虽然唔同街边档，但放入口仲脆脆地，好有童年回忆。朋友话好饿叫左份意粉，份量都好足，差D食唔哂。食饱仲可以同猫猫自拍同玩，大满足。