福翁海鮮薈 (已結業)

今日冻冻地，收左工听同事介绍去福翁打边炉，位置好隐秘，去到振万要搭lift上3楼先揾到。坐低落完单无几耐已经上到汤底，我地系食椰子鸡，好足料闻到阵阵椰子味。之后上海鲜拼盘同特级牛肉都好快，海鲜拼盘好足料(足6款海鲜)好新鲜，虾同鲍鱼都仲郁紧。特级牛好好味，油脂分布岩岩好。之后送左碟豉油王炒虾亦都好香口，虾肉都系弹牙。虽然偏少少但整体来讲唔错，枱同座位唔会好迫，食物质素同汤底都令人满意。听职员讲来紧4月送龙虾，到时会再来食。