福翁海鮮薈 (已結業)

今天餐廳人流比較少，1點後只有幾枱入座，12點幾應多一些，點了一個班頭腩客飯餐，材料可以，温度，味道都OK，保持以往水準。外賣自取一如以往抵食, 外賣自取還有8折

一班中環友係九龍東食lunch 因為一点鬆啲係附近開完會,唔想餓住嗰肚返中環。糾結好耐食乜好。。。1點超人多！中環人通常有d要求嘛！最後都係揾間酒樓食算！ 嗰日呢間d嘢見得人，正！ 因為只是食嗰便飯，本來無諗住寫open rice, 所以無相。但諗諗吓，好嘅，讚讚無妨。放d正能量鼓勵鼓勵。 雖然4個人，但由於無諗到份量咁大,結果好似order咗好多嘢😅  打包都有兩盒😂😂 個日個叉燒拼燒鵝掂。食晒！  叉燒軟腍腍，燒鵝因為有靚脾位，正! 皮脆肉香！ 春卷夠脆，個椒鹽茄子夠香酥，邊食d 炸嘢邊食魚付番茄湯米線幾滋味😋 金磚豆腐除咗顏色深左以外，質感同港島鬧市區有得揮(仲要大double,平一節) 蝦餃， 燒賣 ，叉燒包 足料，大份。蝦餃裡面隻蝦幾鬼大。（可能因為平時見嗰d越縮越細） overall 嗰日幾Ok。 鼓勵鼓勵！

我們是打算找一個地方一邊吃飯一邊開會但晚上大部分的粵菜館人山人海開會的話會很吵所以我就拜託了一個好朋友幫我找安靜的粵菜館他推介了這家店出品不錯最重要是可以安靜地開會😄

2024/1/5.晚飯聚餐。今次收工後，見到天氣開始轉涼，相約幾位朋友吃羊腩隻竹煲，可以暖下身，又可以暢談近況，就近近地到福翁酒樓吃晚飯，今次除了點咗羊腩煲，大家每人都點了一道自己喜歡菜式一起吃，酒樓職員態度唔錯，好用心介紹當晚餐單。落完單，等得一陣間就上菜了，速度都幾快，有蒜蓉瀨尿蝦，粉絲蒸元貝.椒鹽聖子炒麵底.酥炸新鮮生蠔.百花帶子拼珊瑚蚌，蒸螃蟹等。羊腩煲羊腩夠嫩，咬落去好爽口，煲裡面的汁又夠味唔會太鹹，忍不住喝多了幾口，瀨尿蝦好新鮮，肉質彈牙，蒸螃蟹好多膏，酥炸生蠔外脆內嫩，好味，其他海鮮都新鮮熱辣，吃完之後，大家都覺得食物質素好好，絕對是值回票價！而價錢方面又親民！值得推薦大家一齊試.

新嘅一年，公司請我哋同事食番餐，我哋揀左食中菜，所以去左福翁訂2圍。聽講福翁嘅小菜好出色，咁就唔好同老板客氣，主打食海鮮喇！龍蝦伊面，炸鮑魚相當有水準，嗰條魚好大但師傅蒸得好好，冇過火，剛離骨，正。沙窩雲吞鷄好味，鷄嫩滑，同事仲搶住食，有驚喜！其他菜式都好味，唔知係咪前面食得太飽，後上嘅菜就要打包，真係又食又拎（益嘛屋企人）！今日全包宴都係5千蚊，CP值高，希望公司開年飯再係喥食，到時再屈老板食好d😂😂😂。

新嘅一年，公司請我哋同事食番餐，我哋揀左食中菜，所以去左福翁訂左2圍。聽講福翁嘅海鮮好出色，咁就唔好同老板客氣，主打食海鮮喇！龍蝦伊面，炸鮑魚相當有水準，嗰條魚好大但師傅蒸得好好，冇過火，剛離骨，正，沙窩雲吞鷄好味，鷄嫩滑，同事仲搶食曬，有驚喜！其他菜式都好味，唔知係咪前面食得太飽，後上嘅菜就要打包，真係又食又拎（益嘛屋企人）！今晚全包宴都係5千蚊，CP值高，希望公司開年飯再係喥食，到時再倔老板食好d，😂😂😂。

我們通常會在福翁海鮮薈與家人晚飯，他們的小菜水準屬平均。然而，前晚我與朋友們帶自來海鮮嘗試了一些令人驚豔的菜餚，包括大閘蟹、避風塘癩尿蝦、南非鮑魚以及鼓椒炒聖子等。他們的烹飪技巧無疑是一流的。我想分享當晚的避風塘癩尿蝦，以及滿滿的蟹膏的大閘蟹，這兩道菜的美味程度簡直無法用言語形容。此外，他們的鳳梨咕嚕肉也是一絕，外皮酥脆，內裡柔軟，每一口都讓人回味無窮。

今日和朋友一起去福翁吃飯，點咗一份乳豬燒腩仔飯，香脆的乳豬皮，薄薄的一層脂肪，蘸上特制的醬料，那味道簡直叫人回味無窮！燒腩仔就皮脆肉鬆、肥肉又不會太肥膩，而且大大份飯份量超飽，價錢又非常大眾化，值得推薦！

我在晚上大約7時到達(福翁海鮮薈)，在入口處等待約5分鐘，期間有4-5名職員經過身旁，但冇人招待，最後找到一位穿黑色衣服女士(可能係部長)，佢第一句就問有冇訂位，我回答7点4位，佢好冇禮貌指向一張擺在路中央並未擺放餐具的細枱，我表示可否換後面已擺放4人餐具的餐枱，佢話個張枱已訂咗，( 乜我唔係都有訂枱咩！ )我話我唔食走啦，佢才換過另一張枱俾我地用餐。食物質素我唔評論，服務質素只有以用3個字形容。（差！差！差！)

經網紅皓男哥介绍，昨天舉家共聚任食火鍋。該店環境舒適，值得一提是服務週到的。我們7人可享用兩款鍋底，椰子雞及麻辣子雞，飲完湯及食完雞煲再加入清湯作火鍋之用；四月份是每人份享有半隻(澳洲)龍虾，我們選擇蒜蓉粉絲蒸，火侯剛好，肉嫩鮮甜。另有共6款的海鲜拼盤，有鲍魚，鲜虾，扇具，青口，蜆及蚝，材料新鲜及定量美國牛頸脊。而任食品種尤以脆肉鲩我最喜爱的，材料供應充足且新鲜，更有紫米露糖水與幾款冰棒任食。以此價錢可由五時半至九時半4小時享用任食火鍋，新鲜品質與貼心服務是性價比高的選擇，值得推薦！

今日凍凍地，收左工聽同事介紹去福翁打邊爐，位置好隱秘，去到振萬要搭lift上3樓先搵到。坐低落完單無幾耐已經上到湯底，我地係食椰子雞，好足料聞到陣陣椰子味。之後上海鮮拼盤同特級牛肉都好快，海鮮拼盤好足料(足6款海鮮)好新鮮，蝦同鮑魚都仲郁緊。特級牛好好味，油脂分佈岩岩好。之後送左碟豉油王炒蝦亦都好香口，蝦肉都係彈牙。雖然偏少少但整體來講唔錯，枱同座位唔會好迫，食物質素同湯底都令人滿意。聽職員講來緊4月送龍蝦，到時會再來食。

服務簡直垃圾中嘅極品，大聲夾惡，不知所謂。原本叫2份孖寶加碗麵，即係4點心一麵，佢其中一款無供應，就照入單然後屈你要改，而唔係俾你選擇最終改做一份孖寶。你餐單無其他嘢啱食，你又無供應，點解唔可以減左份而係逼你一定要揀，否則另一樣一定要屈你俾正價。個女嘅扎馬尾，起碼都部長，乜都話自己唔識改，喺度咦咦哦哦，又話麻煩又盛，唔講以為佢係老細。屈你要改餸，又話自己入左單，改唔到，唔識改， 句句撩交嗌，係爭在未抖大氣。咁嘅服務態度，仲惡過啲客，呢啲無管理嘅酒樓，態度仲惡劣過大排檔，永不光顧！

上兩次都係去任食任食打邊爐同小菜🥹😃 晏晝飲完下午茶跟住去酒樓開枱。兩佰幾全包打邊爐個鯇魚片好新鮮 另外估唔到佢個生炒排骨超水準，而且佢個即燒乳豬皮薄肉脆 比好多酒樓更加好食今晚轉下口味自己喺九龍城肥仔號買了十隻大閘蟹，自己帶去酒樓 佞只係收我$10/隻人工費，另外再叫咗個羊腩煲同埋酸菜魚片煲⋯個經理已經話我哋夠食唔需要再加餸。羊腩煲真係好正呀。佢仲要連埋一碟好大嘅生菜我哋只係加咗一碟肥牛就六個人食到飽飽埋單唔使千三😂😂😂😂

幾個朋友滿心歡喜睇左食評先上去明知食評相差8個月總會有出入但係無諗過咁差上年12 月見食評圖片$268 任食火鍋話有翅 湯 鮑魚 龍蝦 去到門口改左menu ，今日$248 ，無哂上面野食有d失望，但都心中有數會有改動始終疫情階段唔同所以見到有刺身拼盤 海鮮拼盤 同牛頸脊（大）都仍然沖入去2款拼盤都寫住4色拼盤，會隨機不同但點知刺身拼盤連最鐘意食既三文魚都無只有 赤貝 北寄貝 八爪魚 同泰蝦Oh no 八爪魚？ 泰蝦？海鮮拼盤仲差…. 青口 扇貝 蝦 大魚頭哈哈….哈哈……以上拼盤一黎到已經知道中伏而且仲要做到一人一舊…好野👍🏻牛頸脊一人2 舊 樣好似唔錯但無牛味，都係失望當晚全場4-5枱 7點入去仲要話雲吞都無呢間野以後請我都唔黎黎之前記住爬文睇食評所謂拼盤…笑話

友人又有好介紹，今晚火鍋放題。位置稍為偏離地鐵站，為食好嘢，冇所謂啦。任飲任食海鮮火鍋每位半邊上湯焗龍蝦，吸引一下味蕾先。蠔皇扣鮑魚雖然細隻，有嚼口，味道不錯。紅燒花膠翅有點似去飲宴。時令刺身拼盤款式有八款。極品牛頸脊軟熟，好正，可惜只有數片。至尊水餃皇，認真有份量，餡料足。福翁龍躉海鮮盤有龍躉，蝦，青口和蠔，鮮美。湯底係椰子雞湯，味道梢為淡了一點。其他配料可在自助區取，蔬菜，丸類，甜品，飲品……應有盡有。