百匯軒 (已結業)

难得今日平日有假放, 午餐决定左同屋企人去百汇轩饮荼。中午时段人流都算多, 不过好快就有位坐啦, 点左几样野食….带子福建炒饭呢个福建炒饭啲料都几多, 而且分量都OK…..啲炒饭炒得岩岩好仲唔会有一旧旧既饭, 加上食落味道都唔错, 个献汁唔会太咸, 味道岩岩好, 再加埋新鲜既带子, 虾同叉烧, 口感丰富。鲜虾菜苗饺菜苗饺每个都好胀卜卜, 睇得出里面既材料都好多, 咬落味道都唔差, 菜苗完完全全吸收哂虾既鲜甜味, 十分好食……不过唯一美中不足既系个皮虽然好容易就咬得开而且都好通透, 但系有啲厚, 再薄番小小就会更加好。流沙奶皇包呢个点心真系有小小失望, 做唔到流沙既效果。不过味道都唔错, 奶皇香甜幼滑, 外面包皮都做都好松软好味…..顺德豆腐煲小小既瓦煲上枱果阵仲系好热辣辣, 豆腐同鱼腐味道都好夹, 豆腐煮完都仲好滑而且吸哂啲酱汁, 食落都几惹味。