正宗上海生煎皇 (已結業)

夜晚嚟到深水埗，见到咁多唔同类型嘅餐厅，本身都谂唔到食乜，之后行过黄金对面见到一间食生煎包嘅餐厅，见好似都有几多人排队，所以就入咗去食。之后我哋就叫咗一笼生煎包，一笼小笼包，一碗担担面，同埋一碗鸡丝伴面。首先嚟到嘅系生煎包，上碟嘅时候都仲系热辣辣嘅，但层皮我略嫌硬左少少，但入面嘅汤非常之鲜味。小笼包呢就略嫌细只咗啲啦，一啖就食晒，唔算非常之推介。反而担担面同鸡丝伴面就有啲惊喜，汤底都唔错，份量亦几足料，埋单总共就系＄143 ，性价比都算唔错嘅。