翡翠拉麵小籠包

营业中

休息中

同家人系附近玩完，黎左沙田新城市食野，星期日中午时间都几多人等，不过一行三人好彩5分钟到就有得入座👍🔸炸酱拉面炸酱口味浓重，辣味好出，炸酱既份量都几多，捞晒成个面都炸酱都仲有净，面条带啲烟韧，口感唔错。另外配埋一碗清汤，面条黏住既时候可以加少许汤捞一捞，炸酱面整体比较重口味，酱汁少一啲可能会更好😉🔸菜肉云吞汤拉面菜肉云吞size几大粒，外皮滑溜，汤底清，面条软硬度适中，汤底好清，清淡之选。🔸炸银丝卷外皮唔会太厚，轻轻炸过外皮有层薄薄既脆皮，入面软糯，点炼奶食好正🔸上海小笼包一笼四只，入面充满汤汁，皮薄，趁热食唔错👍🔸嫩鸡煨面叫左嫩鸡煨面比小朋友，有菇、小棠菜、鸡肉丝，面条软淋，汤底稍微偏咸，整体都ok呢度有bb餐具同bb櫈，带小朋友黎食野都方便，环境都舒服，上菜快，整体系正面既体验。