雲蝶 (已結業)

今日谂住同个fd去‘扫黄’，揾到呢间新既cafe即刻去试下，铺头既装饰同个餐牌都几特别，但有啲偏细，室内加埋室外最多应该都系坐到七八个人左右。我地点左个带子野菌意大利饭，罗勒酱烤鸡意粉，缤纷杂莓同一份送既黑啤鸡翼。先讲主菜， 个意大利饭有好香既奶油味，饭粒唔会太硬，带子亦都唔会太熟，算系几唔错。但个烤鸡意粉唔知系味唔记得落盐去煮，除左罗勒同油既味之外就完全无其他味。至于个黑啤鸡翼就有好香既黑啤味，个人觉得调味可以再浓少少，但友人就反而好钟意佢个味。而杯野饮个人几钟意，唔会太甜但又饮得到有好多莓既碎碎系份面。