Mr. Steak Grill (已結業)

落开铜锣湾，就顺便喺度食埋lunch。知道Mr. Steak Grill既lunch有semi-buffet，价钱又OK就黎试吓~自助salad bar选择都算多，有生菜、蕃茄、青瓜、粟米、菠萝、红菜头、荳芽、薯仔沙律、苹果沙律等等，仲有芝士、烟三文鱼、虾、青口等，食完都饱左一半了。主菜系忌廉青口大虾意大利饭, risotto尚算烟韧，个忌廉汁好好味，大虾亦好爽口弹牙；分量一般，但味道都唔错。轮到甜品喇, 有唔少选择，样样都好似好好食咁！有焦糖炖蛋、tiramisu、朱古力蛋糕、曲奇饼、cheesecake等，全部都好好食，而且样样都细细件，可以试多几款。虽然有dessert bar，但佢会额外送多个朱古力心太软。个心太软真系有朱古力流心架，好sweet好好味！最后到饮品，除左普通的奶茶咖啡之外，仲可以转其他款既咖啡，唔洗加钱架！我点左一杯mocha，味道都几特别！ 以哩个价钱包括沙律、主菜、甜品同餐饮，而且味道唔错，又可以坐得舒舒服服，感觉几好！