斑蘭

营业中

休息中

最近发现呢间位于圆方嘅星马菜餐厅真系唔错，餐厅装修雅致，环境舒适，座位宽敞。我同老公去了这间餐厅食下午茶，点了两个A+B+C下午茶套餐，每个套餐$98，A是小食， B是主食，C是饮品。最后加咗一个甜品-蓝莓焦糖炖蛋$46。A越式牛油果酱法包配蕃茄莎莎真系绝配!法包外脆内软，配埋新鲜的牛油果酱，加埋甜甜酸酸嘅蕃茄莎莎，清新又开胃。B无骨海南鸡喇沙掺掺，鸡肉又滑又嫩，掺掺面配埋椰香味浓郁嘅喇沙汤底，十分滋味。C 桂圆红枣茶，用料十足，有玫瑰花，菊花，桂圆，红枣等，清甜可口。A腐乳蛋黄酱单骨鸡翼，鸡翼炸得外脆内里滑嫩，沾埋浓郁香滑嘅腐乳蛋黄酱，实在令人难忘。B新加坡白胡椒肉骨茶配油香饭，热辣辣原煲上，份量十足，肉骨浸在有浓浓白胡椒味嘅肉骨茶汤底里，加上一碗香喷喷嘅油饭，真系满足。C桔仔话梅水，酸酸甜甜非常醒胃。蓝莓焦糖炖蛋卖相吸引，焦糖又薄又脆，炖蛋香浓滑溜，再配上蓝莓酱，令人食得津津有味。