Explorer Fusion Restaurant (已結業)

最近一年唔少友好离开香港，farewell 饭一餐接一餐，其中一次，帮衬咗石门嘅 Explorer Fusion Restaurant。呢间晚市好多人，所以有用餐时限，当晚食得都几匆忙，剩系影咗其中三样嘢。烟三文鱼牛油果沙律有哂我最钟意嘅元素：烟三文鱼，鱼籽，牛油果，Parmesan Cheese，加上好 fresh 嘅蕃茄仔同沙律菜，好食。炸芝士圈就系极度邪恶嘅食物，但系正所谓越邪恶越好食，加上冻咗口感味道差好远，所以食开就好难停得口😂。北海道鲜带子配荷兰大啡菌海胆龙虾汁意粉个名好长，带子好大粒，海胆龙虾汁较少食到，其实都几鲜味，不过真系咸咗啲，食完要不断扯水。