川川辣辣

营业中

休息中

今日特别想食辣嘢，于是就近近地来左尼间新开冇几耐嘅川菜店，时间尚早所以唔需要排队，告知左三位后，店员就安排我地入到去坐低。店内环境装修都同正常中菜馆差唔多，都算阔落，唔会逼。桌面尚算干净，餐具都摆左系张台侧面拖柜度方便客人自己攞。轮到睇餐牌嘅时候，餐牌入面列出来都系中规中矩嘅川菜（晚市时间为下午五点半打后）菜款唔算太多，所以我地叫左三个菜，水煮牛肉、毛血旺同手撕包菜。（店员都同我地讲左份量多少，惊太多食唔晒浪费）水煮牛肉，自己食落系唔错，辣度介乎于小辣至中辣，牛肉片都大块。毛血旺份量个人感觉少左啲。屋企人唔系好食得辣，所以食唔多。手撕包菜份量okay，好送饭。不过唯一唔抵嘅地方系一罐可乐都要22蚊。*（饭系另外加落去）依家仲系试业中，埋单嘅时候要比现金都唔系好方便。系天水围来讲算得上唔错嘅川菜餐厅。食得辣嘅朋友不妨来试试。