南記粉麵 (朗盈商業大廈)

营业中

休息中

𠮶日跑完步，就谂住帮衬下。平时经过成日都见到南记粉面都冇入去食过，原来都几好食。以呢个价钱来讲有埋嘢饮仲有三个𩠌嘅米线都算系合理。如果要攞佢嚟同谭仔比，我会想食南记粉面多啲。啲牛腩味道好正，又香又多汁，同碗面个汤底好夹，我就嗌咗麻辣，个汤底好食过谭仔啦，牛丸同肥牛都唔错，牛肉唔会话好多筋，口感都还好，以呢个价钱来讲已经算唔错，下次都会再食！但系就觉得𠮶度环境唔太好，望落好多部冷气，但其实坐喺个座位度就好鬼死冻，一行去排队嗌嘢食𠮶位，又好鬼热，佢啲冷气好奇怪，唔系成个Area都系一样温度，食嘢𠮶阵冷气仲要吹正个头，食完真系嗱嗱声走。