The Balcony (已結業)

今晚同太太去试中环楼上西餐厅。 餐厅大约有十张枱，有少少 cafe feel。叫左两位 Set dinner $588头盘沙律有鸭胸的熏香，中间加上有蜜桃的甜美，配以黑醋 dressing，非常清爽醒胃，唔错！龙虾汤味道浓香，口感幼滑 creamy。 虽然份量唔多但系味道一流。法式田螺配黑松露及曰式芥末茨茸。卖相十分别致， 但味道略嫌普通， 一般田螺水准。煎北海道带子配波兰汁。北海道带子大大粒，味道鲜美， 配搭唔错。澳洲肉眼牛扒14安士两位用。肉眼牛扒份量十足 medium 煎到表面焦香， 配上海盐，肉质鲜嫩，肉味浓郁。 二人份量啱啱好！甜品拼盘，有姜汁雪糕、朱古力旦糕和草莓。 第一次食姜汁雪糕，口味都几独特，姜味强劲但同时又有牛奶香， 几特别。朱古力旦糕朱古力味极浓，口感松化。总括觉得呢间楼上餐厅水准都唔错，其实细细间舖有时仲坐得舒适，值得试下！