金記冰室 (已結業)

系一个星期四嘅朝早，我选择左去呢间金记食早餐。虽然以前食过西营盘嘅另外一间金记，我亦觉得一是无妨因为其实坚尼地城冇咩好多间好好食嘅茶餐厅。呢间环境都算阔落，佢嘅前身就系全港大嘅人所共知嘅新兴食架。呢间金记大约可以坐30人。楼面招呼周到，都唔算太污糟。唔记得咗影餐牌不过其实选择都同普通茶餐厅大同小异，我就食咗深海鱼柳同埋叫咗热鸳鸯。我都几满意佢块鱼柳，好明显系即叫即炸，份量都唔细，炸得好脆口。跟餐面包系多士，冇乜特别。西煎双蛋都不过不失。杯鸳鸯唔错，够浓同够balanced,又够热。会再食。