目利きの銀次 (已結業)

近排两公婆工作劲忙，礼拜五晚放工一于揾D好野食下，知道世贸中心开左间冲渑新店叫目利银次，特登走去试下。上到去都几有日本气氛，仲见到好多新鲜食材show晒系面前。先来客番茄芝士沙律，番茄同软芝士好夹味。跟住食寿司拼盆，鱼生几肥美，有拖罗，唔错。明太子蛋卷，趁热食棘棘地几好味。海胆汁烧蚝最正，好鲜味, 食左两件。串烧黑豚，味香口，都好吃。美中不足巨峰梳打太淡味，同埋我好想试下既红豆饼好快就售完，唯有等下次再试。两位承惠六百，唔算贵, 可以接受。