牛涮鍋

营业中

休息中

好耐冇食牛涮锅，印象中都系普通连锁火锅店。不过今次嚟食觉得有d惊喜嘅，唔知系呢间分店定而家真系唔同咗呢？我哋拣咗lv.2嘅餐，包咗两款牛肉，觉得两款望落去个样同味道都算唔错。由于唔系比较肥美嘅部份，油脂香就冇乜，但都有牛味同唔算韧嘅。汤底方面：番茄汤茄膏落得太重手，略酸同埋个红色太劲，一般；黑蒜油豚骨汤就只系望落有层黑黑地嘅油喺面，食落冇乜蒜味，可以直接叫普通豚骨汤，略失望。其他自助食材都算系正正常常，仲有关东煮同炸物拎（有一部分就系用Qr code 嗌）。个人推荐炸鸡翼，皮脆肉嫩，而且冇炸皮，好食。甜品个卷蛋太冰，其他都正常。整体嚟讲都唔错嘅，可以再嚟食。