亞參雞飯 (利舞臺廣場)

营业中

休息中

返完一个星期工，同老婆响铜锣湾行下街食个饭。见好耐冇食过新加坡菜，而呢间亚参又有唔少人排紧，咁就同老婆坐低食啦。起初嘅期望都好高......我哋两个都叫咗碗喇沙。上菜除低口罩准备起筷啦，发现枱上面冇晒筷子，就问侍应拎啦。等左一阵，终于refill左筒筷子。老婆拎起对筷子准备食嘢之际，见佢突然皱眉头然后闻一闻对筷子。「臭嘅？！你闻下。」我拎起手闻，真系好臭。系𠮶种千年冇换毛巾嘅噏臭味。拎起多几只嚟闻，都系同一气味。唯有同侍应反映啲筷子好臭叫佢换过成筒筷子。点知换完之后都系一样咁臭，只好再举手要杯热水黎自己洗。而之后出场嘅所有餐具，包括热饮嘅匙羹，都一样有呢啲噏臭味，要自己清洗。睇住其他顾客一上菜就拎起餐具食嘢，真心觉得有啲反胃。讲返食物(喇沙)方面，都几失望。分量系多，但味道麻麻，太多herbs，面好碎，配料好少。$80一碗黎讲，味道完全输畀$20-25一包既百胜厨喇沙拉面。总括嚟讲，卫生情况极度需要改善。食物有进步空间。而我，冇乜嘢我都系唔会再返嚟食。