亞參雞飯 (利舞臺廣場)

营业中

休息中

熱帶風嘅裝修，配上木頭嘅傢俬同埋綠色植物，一入到去就覺得好放鬆，整體感覺好舒服。講返食物，海南雞真係好好味！雞肉鮮嫩多汁，仲有香噴噴嘅雞油飯，每一口都想再食多一口。再加埋特製嘅辣椒醬同薑醬，味道配得好好。再講講豬手，外脆內嫩，肉汁十足，味道甜中帶鹹，食落真係好過癮，無論單吃定配飯都好合適。最後，巴東牛肉飯亦都係一絕！牛肉切得厚厚，煮得剛剛好，米飯吸收咗肉汁，口感層次好豐富，令人一口接一口。總之，呢間餐廳唔單止食物好味，環境都好舒適，無論同朋友聚會定係家庭聚餐，都係一個唔錯嘅選擇。每道菜都可以感受到廚師嘅用心，真係忍唔住想再返嚟！

話說海南雞飯係我最鍾意食嘅嘢之一，基本上有海南雞就必點呢間出名食海南雞嘅咁就當然要試吓啦，飲品就揀咗要啲特飲香茅梳打因為我唔係好想太油，想減肥，所以多數都會轉白飯海南雞上菜時候嘅賣相的確幾好，閃令令咁，睇落好滑🤤🤤🤤再加上佢有嗰隻三色醬料點起上嚟食口感好好香茅特飲就買相好搞笑🤣🤣🤣勁大支香茅，味道就一般啦，似普通嘅梳打水咁都唔緊要啦，重點係海南雞飯😆😆，試過幾次佢都保持到質素，午餐要搭枱嚟講就算偏貴嘅，不過耐唔耐食吓都OK😆

假日我和家人決定到了「亞參雞飯」享用午餐。我們三人各自點了幾道招牌菜，包括經典的海南雞飯、肉骨茶和海鮮喇沙 👍🏻首先上桌的是海南雞飯，這道菜色澤誘人，白嫩的雞肉搭配香氣四溢的雞油飯，讓人一見就忍不住想品嚐。雞肉經過精心烹製，肉質鮮嫩，搭配特製的醬油和辣椒醬，份量不算少 🐔✨肉骨茶湯頭濃郁，散發著香料的獨特氣息。肉骨茶的豬骨熬煮得相當入味，肉質軟嫩且帶有彈性，與湯頭的香氣完美融合。🥩 海鮮喇沙裡面有蝦、魚片和貢丸等多種海鮮，搭配彈牙的米粉，口感十分豐富 🍜整體而言，「亞參雞飯」是一個適合聚餐的好地方。菜品種類繁多，能滿足不同口味的需求。如果你在利舞臺附近，這裡絕對值得一試 😋

連鎖快餐店嚟講都OK，推薦海南雞飯！！！海南雞飯海南雞係冇骨嘅，佢都算滑雞味都重，最重要係冇骨食落去淡淡都係肉都幾滿足！佢個湯都幾有雞味🤣，不過我覺得佢個油飯唔夠香，呢個就比較遜色。肉骨茶胡椒味超重，蓋過了藥膳味嘅感覺，佢嘅肉唔會好似煲湯肉咁嚡，不過就肉味唔出，需要加醬汁去食，整體嚟講我覺得肉骨茶就普普通通小食方面魚餅就正常啦，喺出面來貨嗰啲冬陰功魚餅，就普普通通。蝦春卷都幾香口都幾好食，豬肉棒我覺得唔好食，我覺得佢嘅肉味好濃烈，然後唔係好食嘅肉味🥲

大約下午5點，不用等位，服務員態度十分友善。發現仍然有下午茶時段。一試迷你版海南雞飯下午茶，值得推介。＄39兩款小食，份量足，咖央多士十分香脆，鳳尾春卷可囗，斑蘭咖啡也十分香滑。

今日去銅鑼灣行街，見亞參雞飯出左新餐就行入去試，侍應好快就安排我哋入座，及介紹我哋食新餐猪骨藥膳煲套餐，內面有猪骨煲一個，半隻雞，通菜，小食拼盤，飲品。抵食，環境好，服務好，會再次幫襯。

10月1號，亞參雞飯今日七折優惠，今日同一班老友計去食，排好長隊，但轉流得好快，待應就安排我哋入座，雖然好忙，但服務都很好，笑容滿面，仲推薦我哋食馬來藥膳豬骨煲套餐，二百幾蚊好抵食，姐姐話今日10月1號仲可以打7折，一定要試，藥材味好濃郁，材料够足，好味👍👍👍

我要推介下亞參海南雞飯呢間餐廳！佢哋嘅海南雞飯味道非常正宗，雞肉嫩滑又多汁，飯粒粒分明，又香口得嚟唔死鹹，食落真係一流。除咗食物吸引，服務態度好好，店員親切有禮貌，令人食得好舒服。每次我經過都總係見到好多街坊都係熟客，日日都人流不絕，呢個都反映出佢哋嘅嘢食同服務係受到街坊認同，有機會去到附近嘅話，都會再幫襯。

難得黎到一間東南亞餐廳決定一嘗海南雞飯 海南雞飯非常嫩滑 配合餐廳提供的特色醬汁 令海南雞飯有多重層次和變化 而且油飯十分美味 並且餐廳員工服務態度也非常良好 環境座位也非常舒適日後若再有機會會嘗試其他菜式

今日行開銅鑼灣，肚餓搵地方醫肚，聽朋友講asam雞飯幾好味，一於去試吓，叫咗招牌海南雞飯，啲雞肉好嫩滑，油飯都唔錯，碗雞湯正到飲晒👍 最鍾意佢哋杯馬來奶茶，既香濃又滑，啲服務員態度都幾好，非常有禮貌同埋有笑容👍

今晚去咗利舞臺UNIQLO之後，出邊勁大雨，就諗住留返利舞臺商場食晚飯。見到平時中環去開嗰間亞參喺利舞臺，就入去食啦。佢哋最出名係去骨海南雞飯，小食就叫咗春卷同扎肉。個椰青超級勁大。第二出名就係豬手飯，今日略嫌太多肥膏。小食春卷同扎肉啲味道就好木，好似食緊麵粉咁。好鍾意個椰青，非常之大同好甜。但衛生環境就超級麻麻，周圍都係污漬。Service 就好好啦，佢哋唔記得咗上小食。提一提佢哋，就即刻跟進。❤️

咖央多士$25 一份但黎到見到咁樣真係覺得被呃錢多士1開4，只有一塊牛油放中間每件只有極少牛油， 一細個角落可見連佔麵包2分1都無如果唔係見到麵包有啲令令地反光更加唔覺有咖央嘅存在食落去當然亦一啲味都無強烈建議千萬不要點多士

啲雞冇以前咁好食，雞皮多過啲雞肉，啲汁又少，食物質素冇以前咁好，叫外賣等足你15分鐘，食物質素差咗之餘，叫外賣啲所謂環保餐具仲要轉嫁俾顧客收取$1，話係政府規定，仲點幫襯？

收工時間冇乜嘢食，又想搵一間穩穩陣陣加錢唔貴嘅，呢間不二之選，去到冇乜人仲可以揀位坐，海南雞肉夠嫩滑又入味又夠多啖啖肉，係覺得個飯太過油，價錢都仍然係咁抵食，碟菜就唔掂喇，六成都係菜梗又苦

由開張段時間去食，一直到依家，可以見到食物嘅質素係不斷下降。由開張時碗雞粉係多粉多雞，之後開始份量參差；雞皮多過雞肉，到依家粉同肉都冇，淨係得個碗。雞湯偏遊，腸胃唔受得好易肚痛。其他嘅喇沙或者飯，味道都係一般，感覺唔值八/九十幾蚊。小食尚可，但係份量唔多，味道可接受。 飲品一律重甜。其實如果覺得個下午茶餐做唔掂不如加價，總好過減份量，依家連食嘅意欲都冇。