藝穗會Colette Artbar (裝修中)

之前有经过Fringe club都无发现原来入边有餐厅，觉得几适合俾行完展览嘅人入去食饭同休息下。地方宽敞舒服，啲装修又几靓，仲有啲阳台位可以坐，夜晚或者等天气无咁热𠮶阵坐𠮶到食应该都几有气氛 今次系晏昼时段去，见到系食vegetarian buffet，本身个人无话特别钟意食蔬菜，所以都无抱好大期望，但食落又发现几唔错㖞！啲炖菜唔会话淡茂茂，沙律生果又新鲜多选择，仲有蔬菜汤都好饮。除咗哩啲之外仲要赞下啲面包同蛋糕出乎意料地好食，面包同芝士有好多款任拣，面包脆卜卜，蛋糕又软熟好味，唔觉意食咗好多块。另外仲有个bar台喺侧边可以嗌嘢饮 成餐饭食得好放松舒服，素食健康得嚟又好味，经过不妨试下