臥龍正宗成都麻辣火鍋 (已結業)

其实一开始系俾个环境吸引咗，本身对麻辣都冇咩研究，最多都系食下烤鱼，今次正宗麻辣系第一次食，上到去，环境几好，两个人都可以坐到卡位，叫个锅要左小辣，一嚟到有好多一砖砖橙色嘢，听返侍应讲原来系油嚟，都觉得几得意，汤底食落头一两啖都可以，愈食就愈油愈辣，可能我唔识欣赏，因为个汤底浓味到我食咩都冇味，得个辣字。另外叫咗有人推介嘅炸鱼皮，老老实实系麻麻哋，系大块但唔脆，无咩意思。肥牛就黑黑哋唔太新鲜，不过有牛味都算。整体系偏贵，两个人食咗成千蚊，觉得贵唔系单纯价钱，而系食物份量同质素，如果你好钟意食辣，或者可以考虑一试，因为我食完头𠮶两个又疴又胃痛，应该系太油顶唔住。