Burger Joys (君悅居)

营业中

休息中

契妹午后准备去太古广场睇戏，午饭时间话想食汉堡，所以就捉咗XO仔去骆克道一家汉堡专门店「Burger Joys」度食快餐。由于今日饭前饭后公司都有会要开，契妹就预先将餐牌传咗过黎，帮我叫定食物 。原来餐店离细佬公司都几远吓，小肥以急速步伐行过去都要成十分钟 ，到达时食物亦已准备好。Crispy Garlic Wings（$48/六只）：个人唔多食汉堡，亦惯性于快餐店内拣食鸡翼。炸鸡翼少辣得黎好够蒜香，可能食店客路以外国人为主，鸡翼加咗啲泰式甜酸酱作调味，惹味非常。Black Truffle Fries（$58）：XO仔乃黑松露迷一名，每每见到有黑松露薯条食对眼都会闪 。薯条属个人最爱o既幼条，炸得好够干身同脆口，不过可能鸡翼o既味道实在浓烈，轮到食薯条时啲松露香就唔系咁突出。两口子离开前，哥哥仔不忘重点推介，叫我地下午茶时间有空记得要返转头，因为佢地四点至八点会免费派发一百个全新推出o既和牛汉堡，极之落力 ！