Top Blade Steak Lab VS PPPP

营业中

休息中

𠮶日约咗朋友去Top Blade Steak Lab食饭，一时唔记得咗朋友唔食牛，不过唔紧要，因为呢间餐厅都有好多除咗牛以外嘅选择，最后决定陪朋友一齐唔食牛，就分别要咗两份猪嘅菜式。因为朋友唔食牛，所以对其他肉类，尤其系猪特别有认识，就介绍我食西班牙黑毛猪猪羽毛 $268。之前从未听过咩系猪羽毛，朋友解释话猪羽毛其实系黑毛猪两边膊头𠮶个部位，每只猪得两件，所以好珍贵，难怪价钱比平常嘅猪贵。由于油脂比其他部位多、所以食落味道特别浓郁、特别多肉汁。果然好推介！而朋友就叫咗西班牙栗饲猪鞍架 $160，份量比我𠮶份多，有两大块，我试咗少少，肥美但唔太油腻，几好食。我哋仲加$60配咗一份自家靓汤同藜麦沙律，同埋分享咗一份任食薯条。