第一郡

营业中

休息中

朋友一直话呢一间越南嘢劲抵劲抵又好平又好味，所以今日终于都拉咗我去食。首先呢就叫咗佢嘅名物系一个蟹膏檬粉。佢嘅蟹膏我哋另外再加咗钱叫多一嚿，佢系蟹膏跟蟹肉整成一饼咁样，有咩好处呢？就系你食落嘅时候的蟹肉唔会散晒落个汤底𠮶度然后就咩都食唔到，一个真系真材实料你可以淡淡咬落口。另外我哋加咗个越式法包，拣左烤猪肉嘅。佢嘅猪肉一啲都唔会干柴，配埋佢隔离酸酸地嘅蔬菜，个法包又脆又软，真系好正。我哋另外叫咗个椰皇，大大个。其实呢仲有一样嘢好紧要嘅就系一入到嚟，你必须要即刻下单叫一个斑斓绿豆糕，佢系份量有限，我哋嚟到嘅时候候都系得返几件，必试。佢嘅皮非常之烟靭，配埋入边嘅绿豆馅，又唔会太过香甜，食一个完全冇问题。