影片
更多
2017-11-27
3998 浏览
下午先讲完唔想食肉，点知夜晚同男友揾饭食都系食肉!唔通我有预感今晚做食肉兽所以下昼唔食?哈哈!放工行完波鞋街之后，附近都系日本嘢、米线、越南嘢之类。因为太肚饿，我哋多数系求其拣d唔洗等位，男友好快咁话去据扒，睇下花园餐厅有无位，去到又真系无人等位，即刻入得！花园餐厅，其实我由细食到大，不过唔系呢间分店。仲记得细个果阵(讲紧8岁左右)有年嘅生日，妈咪同哥哥叫埋阿姨带埋佢3个囡一齐同我庆祝生日，我印象咁深刻唔系因为呢度d嘢特别好食，而系果餐我比我阿妈屈咗埋单！超惨B啰！不过，无可否认，花园餐厅系我美好童年回忆嘅一部分！今次我试咗个新嘢，叫英国贵族猪扒，睇下佢有几贵族先！镖榜100%天然饲料，无激数又无添加!罗宋汤+餐包最钟意花园呢嘅红汤，之前有睇我post 嘅人都知我话我唔食牛，其实我唔系因为信仰问题而唔食，最主要我系唔食有血嘅牛，咁食牛扒唔会叫well done 㗎嘛! 所以我都系好少食牛。但某d牛我系会食嘅，例如肉酱意粉、和牛、松阪牛、牛舌同埋用牛煲嘅罗宋汤。花园呢个红汤真系好好味，好钟意佢入面会有红萝卜、椰菜等新鲜材料，唔系交行货好浓郁。配埋个热辣辣嘅餐包，虽然知佢唔系新鲜出炉，而系
放工行完波鞋街之后，附近都系日本嘢、米线、越南嘢之类。因为太肚饿，我哋多数系求其拣d唔洗等位，男友好快咁话去据扒，睇下花园餐厅有无位，去到又真系无人等位，即刻入得！
花园餐厅，其实我由细食到大，不过唔系呢间分店。仲记得细个果阵(讲紧8岁左右)有年嘅生日，妈咪同哥哥叫埋阿姨带埋佢3个囡一齐同我庆祝生日，我印象咁深刻唔系因为呢度d嘢特别好食，而系果餐我比我阿妈屈咗埋单！超惨B啰！不过，无可否认，花园餐厅系我美好童年回忆嘅一部分！
今次我试咗个新嘢，叫英国贵族猪扒，睇下佢有几贵族先！镖榜100%天然饲料，无激数又无添加!
罗宋汤+餐包
最钟意花园呢嘅红汤，之前有睇我post 嘅人都知我话我唔食牛，其实我唔系因为信仰问题而唔食，最主要我系唔食有血嘅牛，咁食牛扒唔会叫well done 㗎嘛! 所以我都系好少食牛。但某d牛我系会食嘅，例如肉酱意粉、和牛、松阪牛、牛舌同埋用牛煲嘅罗宋汤。花园呢个红汤真系好好味，好钟意佢入面会有红萝卜、椰菜等新鲜材料，唔系交行货好浓郁。配埋个热辣辣嘅餐包，虽然知佢唔系新鲜出炉，而系用叮叮返热，但咁细心嘅餐厅而家买少见少啦!
鐡板牛牛
唔知佢点咗乜牛，只系听到佢点咗5成熟，其实上枱我觉得已经系7成熟! 我都系冇食，哈哈!
铁板英国贵族猪扒
首先我觉得好觉笑嘅系，点解佢要插枝旗上件猪扒度呢? 第二样紧加唔明，明明系英国猪扒点解要插枝瑞士国旗呢?哈哈哈!谂极都唔明，算数!
讲返个猪扒，肉质冇被梳打粉拿到粉红色，仲有少少弹力。一客两大件，食极都未食晒,抵食!可以一试!
另一个童年回忆系关于呢只牛头，话说表妹细个时(讲紧4岁)已经系超反叛，个扒一上枱佢就好开心，叫住佢咪摸只牛头，点知……说时迟那时快，已经听到喊声，又一只惨B!
张贴
