榮少喇沙 (已結業)

自己一个周围行，行到咁上下就揾嘢食，成日都想支持荣少好耐架啦，今日终于经过，可以一个人去食，正呀！好，坐低睇吓有咩好食先。之前见到荣少，都食喇沙做主打，我发现咗有个好新奇嘅野系芫荽汤底，其实我系唔食芫荽，但我想试下。叫咗海鲜芫荽鱼汤米线，黎到见到系芫荽蓉，先饮一啖汤，岀奇地冇芫荽个种草腥味，好轻微嘅芫荽香，个汤底系鱼汤，成个口感似忌廉波菜，稀薄版。58蚊仲要有虾、带子、鱼蛋、鱼片，米线软硬适中，真心抵食。