豚道樂 (百合苑商場) (已結業)

非常愉快又黎到星期五。早早就决定左要同男朋友黎黄埔呢度既9号水产食野。😽可能系我地黎得早既关系，店入面都仲未爆满！咁紧系拿拿声埋位食野啦⋯而加香港既拉面店真系愈做愈好，店面同坐位都同日本既装修一模一样，好有日本风情啊。就连自助既水同画纸仔叫菜都好似返左乡下咁⋯😬（可以留意下门口，餐厅搞紧活动）口水你地一定会嫌多，我都系快手上图比大家睇好d👏😌店员推荐我食呢个特上海老汤拉面（$98）。我对虾虾既热情似火啊！汤汁好浓，成碗汤好似有上万只海老咁，汤既颜色系靓靓既深橙，一睇就知落足料去煮。呢度拉面可以拣返硬d定软d，配料又多得拣，真系岩晒最爱挑剔既香港人。男朋友叫既系特黑蒜油拉面，可以近d睇清楚个颜色，虽然个样同海老都差唔多，但香味就大相迳庭了。每款拉面都绝对可以同日本果几间最出名既比美啊！Tvb故事既结尾多数都会打边脑或者bbq，我就选择左用铁板牛油粟米黎作结案陈词。香香既牛油从此就停留左系我口腔内。就连饮品都咁有特色⋯😚非常非常期待下次再黎。