溏串小町 (已結業)

门面走日本风，相当易认。一坐低先送上加左酱油ge矶烧元贝小食，每人两粒，一路食一路扫QR code用手提落单。冰镇原只鱿鱼仔除左原只上，仲系原汁原味无预先调味，点少少豉油wasabi不错，但唔够牙力的话可能吃力d。加州卷蟹子爆晒出黎。我唔食三文鱼，朋友话鱼皮烧得几香。生蚝大只新鲜，味较淡。带子好肥美。粟米好甜无渣。牛柳大大粒，烧到半熟，易咬，如果表面烧耐少少一定仲正。猪五花腩同博多鸡肉都烧得刚刚好，唔会干柴。除左酱油外，烧物仲可以配香草柠檬同麻辣海盐，一款食物可试齐三种味道。虽然无饮酒，但都叫左几款佐酒小食，第一次食鳕鱼干，真系好香，慢慢咬细味一下。平时食鸡软骨最怕成口油，但呢度ge鸡软骨就无呢个问题。蟹肉忌廉薯饼好香甜，三种食材相当夹。蚬鲜甜无沙，汤底酒味极浓，嗜酒者不妨大啖大啖饮。酱油汤底唔油，亦唔会太咸，乌冬亦非平价货色，够弹牙。海胆一眼睇晒，真材实料，饭超多，争d食唔晒。