影片
更多
2010-11-04
1294 浏览
开放式厨房望落都几干净企理。为免搞到间串烧店烟雾弥漫，店内既光线教到好暗。唔知系咪因为我地体型比较大只，店内既枱櫈都好似好细张，d位真系好窄好唔舒服；坐喺吧枱食𠮶d女仔重惨，要揽住个袋食饭。佢既抽气同其他同类既店舖比可以话做得算好：我地走𠮶阵时，衣物上既气味都唔系太过份，还可以接受。食串烧其实最主要都系食个厨师既烧功同腌功。正因为食咁多热气同浓味既烧物，一间成功既串烧店应该提供多款解喝既饮品。真系几可惜，佢既涷饮种类唔够多之余，开瓶费更高达$300/枝，酒店都好似冇咁夸啰。佢介绍既所谓之涷饮之一既＂梅乃宿抽子纯米酒＂味道超级甜同超级酸外，重要唔够涷，讲真推介得几失败（$360/720ml）。师傅既烧功唔错，烧得好够干身，食落唔会成口油，而且我地唔洗食d未煮熟或者㶶左既食物。不过腌料方面就好似唔系好够味。 鹅肝鸡翼：$52/串；鹅肝酿喺鸡翼入面，非常特别既组合。虽然唔系好够咸，不过鹅肝食落冇平时咁溜，鸡翼都冇咁肥，特色推介一。 鸡皮虾卷：$52/串；都系唔够咸；唔讲真系食唔出外层系鸡皮，烧得好干好脆；入面只虾就冇乜虾味啦，平淡左少少。不妨一试推介二。 牛舌：$50/两串；够厚，咬落够多汁
食串烧其实最主要都系食个厨师既烧功同腌功。正因为食咁多热气同浓味既烧物，一间成功既串烧店应该提供多款解喝既饮品。真系几可惜，佢既涷饮种类唔够多之余，开瓶费更高达$300/枝，酒店都好似冇咁夸啰。
佢介绍既所谓之涷饮之一既＂梅乃宿抽子纯米酒＂味道超级甜同超级酸外，重要唔够涷，讲真推介得几失败（$360/720ml）。
师傅既烧功唔错，烧得好够干身，食落唔会成口油，而且我地唔洗食d未煮熟或者㶶左既食物。不过腌料方面就好似唔系好够味。
鹅肝鸡翼：$52/串；鹅肝酿喺鸡翼入面，非常特别既组合。虽然唔系好够咸，不过鹅肝食落冇平时咁溜，鸡翼都冇咁肥，特色推介一。
鸡皮虾卷：$52/串；都系唔够咸；唔讲真系食唔出外层系鸡皮，烧得好干好脆；入面只虾就冇乜虾味啦，平淡左少少。不妨一试推介二。
牛舌：$50/两串；够厚，咬落够多汁，不过就有少少㶶同韧，只可以话过得去啦。
鸡肾：$36/串；细细粒，全晚最入味既一款，爽口非常，爽口推介三。
鸡皮：$36/两串；单串叫个鸡皮都重系烧得好够脆，但系就比连虾𠮶串油同韧，而且好淡，不吃也吧。
烧豆腐：$28/两串；最淡既一味，豆腐个皮烧得唔够脆，而且入面重系涷既。唔洗试！
鸡软骨：$40/两串；好干好硬好韧，建议大家留返个quota食第二样。
芝士年糕：$36/两串；好意外地一d都唔溜，一d都唔黐牙；年糕既外层好似＂mochi＂咁烟烟韧韧；芝士馅热辣辣，重流流地心，甜甜咸咸咁几得意。得意推介四。
粟米：第一次就漏左单，第二次就等左成半粒钟都唔系好够热，又唔甜，咁你话得唔得呀？
十串set： $198 包一碗白饭同一碗面豉汤：一塌糊涂
鸡颈肉：好脆，不过唔够味。
露荀猪肉，紫苏叶猪肉卷：猪肉又干又嚡又韧又冇味，失败。
鸡肉丸：唔够松，重好干，sigh...
鸡肉大葱：鸡肉嚡嚡地，唔够juicy。
鹌鹑蛋，青椒，冬菇，银杏：又干又冇味。
南亭烧牛肉：虽然系熟左，不过肉系涷既，hmmm...代表雪藏，重未解涷够，而且重要系腥既?!
散叫佢特式串烧就ok，不过想悭少少叫个set黎食就出哂事，因为用料唔够新鲜，连调味料都唔舍得落。叫set时重要同一时间全部上哂，张枱冇位放之余，哥哥姐姐仔重要企喺到等d客自己整理，咁你点收得加一服务费呀? 小弟劝喻大家最好唔好黎食午餐或者晚餐，要黎试都系happy hour 同宵夜黎食我推介𠮶几味，因为真系唔系好饱肚，同埋唔系好值得啰。
张贴
