峰壽司 (已結業)

之前话过晚上超多人的寿司店，今日睇戏前12点几来到吃午饭，唔驶等，可以直接入坐，试一试有几吸引人来排长队。去相首先是寿司，三文鱼子唔脆口，无卜卜声，好彩唔腥。油甘鱼TORO，讲明TORO当然要甘肥啦，但就一点都感觉唔到，同普通油甘鱼无分别，吞拿鱼正常。炸蚝有点过熟，垫底菜一睇就觉翻用多次了，影响食欲。软壳蟹手卷，一样炸过龙了，而且炸浆唔好食。同炸物相反，火炙三文鱼烧得唔够，有点求其。盐烧油甘鱼鱼鲛，一样烧得唔够，而且无盐味，同样有种求其的感觉。忘了影实物的期间限定，寒𫚕，俾我感觉是一旧肉，无任何味道，失望。吃完，失望，点解要排长龙吃呢？就以这个价钱来说真的十分过分，炸的师傅炸过火，烧的师傅求其烧，唔知是否同一位师傅。除此之外，服务员收碟十分怠慢，每次只会放食物时有碟才收，如果唔系点行过都唔会理，小弟观察其他顾客桌上都是一样，一视同仁。10分钟了，到结完帐都唔肯收，但服务员确实行来行去，真系好忙。总结来说，起一个非繁忙时间，客人唔多，服务和食物质素都咁差，真的不可原谅。最后有一样好的，是饭，够实唔易散，一样，也是只有一样可以接受的，但始终补救唔到。就算有好地点，好科技又如何？点解张单上的