有緣小敍 (已搬遷) 新店位置

一心谂住同男友去食酸辣粉, 点知去到贴左张纸话「东主有事，休息一天」虽然渡船街呢头好多野食, 但想揾d平平地既其实又唔算多, 好彩醒起之前食过既一间特别面档, 去到有位就坐低啦. 呢间舖头食既野几特别, 有驴肉…不过我有d惊唔知系乜味所以都系食返d正常口味既野啦, 我地一个嗌左乳香鸡翼招牌面, 一个嗌韮菜饺招牌面, 同样系小辣…可能系同台仲有两pair客, 所以今次都等左有15分钟先有野食..其实都无食好一段时间都唔系太记得个味道, 听老细同某pair客倾计, 原来呢度既面类/饼类都系老细/自己手打架, 可能听完佢地既对话再食个面..又真系几烟韧bor, 小辣既面其实都唔多辣, 可以再挑战辣度劲d既…讲完面底, 讲返配料啦… 乳香鸡翼: 绝对系新鲜炸起既, 热辣辣上碟, 唔知乳香系咪指南乳呢? 因为唔多觉有南乳味咁, 不过都好味既… 韮菜饺: 呢个饺又唔系唔好味, 但觉得向上海店类食到既好似香口d咁, 可能食完几啖面先食个饺, 感觉上就淡口左啦. 今次只系叫左两样野食, 水准都唔错, 可以继续翻兜呢.