Awfully Chocolate (已結業)

一直都好想试佢的蛋糕奈何不设cut cake外卖，直到前一排有朋友生日我便献计提议买个awful又evil的朱古力蛋糕贺一贺佢。我好怕呢个蛋糕会好漏所以决定只订普通6吋的size，因有朋友生日的关系我就早一日打电话去落订同叫佢地唧字花。第日攞完个蛋糕去到我地食饭的餐厅，点知个friend之前无订位，等左一阵，好彩个蛋糕无溶到。饭后戏肉系喇，我地一行四人侍应帮我地分左一人一个quarter，对住件野大家都好有心理压力，究竟我食唔食得哂呢？一食落去，ok㖞，外层的朱古力酱无我想像的浓，应该系个海棉蛋糕造得好spongy的关系所以整体亦十分轻身，当初我仲以为会好重叠叠，好evil个种。甜度亦可接受而且食到应有的朱古力味，不过就唔算好浓烈。食下食下，只有我一个人食哂成件，哈哈，我都系甜魔一个(不过相比起OR内其他女子，我又算得d咩呢)。